УИХ-ын ээлжит бус хуралдаан хуралдаж 8 дугаар сарын 28-нд өндөрлөсөн билээ. Намрын чуулган хүртэл УИХ-ын гишүүд тойрогтоо ажиллаж байна.

   Тэгвэл УИХ-ын гишүүн Дамбын Батлут намрын чуулганаар хэлэлцэгдэх 2021 оны төсвөөр иргэдээс аймаг орон нутагтаа хийгдэх хөрөнгө оруулалт бүтээн байгуулалтын саналыг сонсох үүднээс өнөөдрөөс эхлэн тойргийнхоо иргэдтэй уулзалт хийж эхэллээ.    

    Уулзалт өнөөдөр 11 цагаас Говил багийн иргэдтэй уулзахаас эхэлсэн. Мөн дараа нь Баянцагаан багийн соёлын төвд тус багийн иргэдтэй болон Цагаанчулуут багийн иргэдтэй Хүүхдийн ордонд тус тус уулзлаа. Энэхүү уулзалтад Орхон аймгийн Засаг даргын орлогч А.Түвшинжаргал мөн оролцсон. 

    Уулзалтын үеэр иргэдээс гарч байсан гол санал нь гэр хорооллын авто замуудыг сайжруулах, нийтийн тээврийн үйлчилгээний чанар, хүртээмжид анхаарах, эрүүл мэндийн үйлчилгээг сайжруулах, Орхон аймагт хэрэгжиж буй “ЭКО” ариун цэврийн байгууламжийн талаар болон иргэдэд олгогдож буй “Таван толгой” ХХК-ийн хувьцааны ногдол ашгийн талаар сонирхон асууж байлаа.   

Мэдээллийн төв